Тошкентнинг Олмазор туманидаги хусусий клиникада бурун амалиётига келган 31 ёшли эркакнинг ўлими бўйича жиноят иши қўзғатилди. Бош прокуратура маълумотига кўра, 12 ноябрь куни 1994 йилда туғилган бемор Ҳ.Д.га бурун соҳасига оид бир неча касаллик ташхис қилинган ва унга жарроҳлик амалиёти белгилаб берилган.
Маълум қилинишича, операция вақтида соат 12:20 ларда беморнинг пульси тўсатдан йўқолган ва юрак фаолияти тўхташи оқибатида у вафот этган. Дастлабки суд-тиббий экспертиза ҳужжатларига кўра, марҳум ўлимига ўткир коронар ўлим ва анафилактик шок сабаб бўлган.
Бу ҳолатдан сўнг марҳум ўлими сабабларини аниқлаш учун расмий тиббий экспертиза тайинланди. 29 ноябрь куни клиника шифокорларига нисбатан Жиноят кодексининг 116-моддаси 4-қисми “а” банди билан жиноят иши очилди. Тергов жараёни давом этаётгани айтилмоқда.
Шунингдек, алоҳида топшириқ асосида хусусий клиника фаолияти 6 декабрдан бошлаб расман тўхтатилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
