Чирчиқда дарёга копток оламан деб тушган 15 ёшли бола ҳалок бўлди

Тошкент вилоятида футбол ўйнаб юрган пайтида коптоки дарёга тушиб кетган 15 ёшли боланинг ҳаёти фожиа билан якунланди. Бош прокуратура маълумотига кўра, 7 декабрь куни уйи олдида дўстлари билан ўйнаб юрган Чирчиқ шаҳрилик ўқувчи У.Ф. кўринмай қолгани ҳақида ота-онаси полицияга мурожаат қилган.

Текширувлар давомида бола коптокни олиш учун Чирчиқ дарёсига тушгани, аммо эҳтиётсизлик оқибатида сувга ғарқ бўлгани аниқланган. Қидирув ишлари натижасида ўқувчи афсуски ўлик ҳолда топилган.

Прокуратура томонидан ҳодиса юзасидан терговга қадар текширув амалга оширилмоқда. Расмий маълумотга кўра, натижалар ҳақида қўшимча ахборот берилади.