Наманганда аёл билан оилавий можаро туфайли келиб чиққан жанжал қотиллик билан тугади. Вилоят суди хотинининг укасини ўлдирган эркакка ҳукм чиқарди.
Олий суд маълумотларига кўра, ҳодиса 20 май куни Давлатобод туманида юз берган. Турмуш ўртоғини қайтариб олмоқчи бўлган эркак унинг ота-онаси яшайдиган уйга борган, аммо аёл бирга яшашдан бош тортган. Шундан сўнг қариндошлар ўртасида тортишув бошланган ва жанжалга аёлнинг кенжа укаси ҳам аралашган.
Можаро пайтида айбланувчи қўлидаги пичоқ билан унга оғир жароҳат етказган. Йигит воқеа жойида ҳалок бўлган.
Суд эркакни Жиноят кодексининг 97-моддаси 2-қисми билан айбдор деб топиб, 12 йил умумий режим колониясига ҳукм қилди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
