Юқори Чирчиқ туманида рўй берган оғир фожиа жамоатчиликни ташвишга солди. Тошкент вилоятида истиқомат қилган 68 ёшли аёл ва унинг икки невараси хонадонда номаълум модда таъсирига учрагани маълум қилинди.
Бош прокуратурага кўра, 25 ноябрь куни эрталаб Гулобод маҳалласидан келган хабар барчани ҳушёрликка чорлади: буви ва 2017 йилда туғилган қизалоқ заҳарланиш оқибатида вафот этган.
Шу вақтда уйда бўлган 2013 йилда туғилган бола ҳам оғир аҳволда шифохонага етказилган. Деҳқонобод тиббиёт бирлашмаси шифокорлари унинг ҳаётини сақлаб қолишга муваффақ бўлган ва айни дамда даволаниш давом этмоқда.
Тиббиёт ходимлари барча жабрланганларга “номаълум моддадан заҳарланиш” ташхисини қўйган.
Ҳозирда Юқори Чирчиқ тумани прокуратураси томонидан текширув ҳаракатлари олиб борилмоқда. Ҳодиса тўлиқ назоратга олинган ва модданинг аниқ манбаи юзасидан суриштирув давом этмоқда.
“Zamin”ни Telegram'да ўқинг!
