Вояга етмаган бола ўз онасининг тарбиясига қайтарилди

Ҳар бир бола учун энг қулай ва тинч маскан – бу она бағридир, деб хабар берди. Шундай бир масалада адолат устун келди ва вояга етмаган бола ўз онасининг тарбиясига қайтарилди.

Фуқаролик ишлари бўйича Андижон туманлараро судининг 04.02.2026 йилдаги ижро варақасига кўра, 6 ёшли бола жавобгар А.О. дан онаси М.З. қарамоғига топширилиши белгиланган эди.

Мазкур ижро ҳужжатини бажариш мақсадида Бюронинг Олтинкўл туман бўлими ходимлари томонидан амалга оширилган мажбурий ижро ҳаракатлари натижасида бола она бағрига қайтарилди.

Бу фақат ижро ҳаракати эмас, балки боланинг бахтли болалигига қўйилган муҳим қадам бўлди. Она меҳрини ҳис қиладиган ва ғамхўрлик остида ўсадиган бола учун янги ҳаёт бошланди.

Мажбурий ижро бюроси инсон манфаатларини, айниқса, вояга етмаганлар ҳуқуқларини ҳимоя қилишни доимий устувор вазифа сифатида сақлайди.