Қамчиқ довонида хавфли ҳодиса: “Волга” сойга тушиб кетди
26 апрель куни Қамчиқ довонида «Волга» русумли автомобиль ҳайдовчиси бошқарувни йўқотиши оқибатида машина йўл четидаги сойга тушиб кетди. ФВВ қутқарувчилари зудлик билан воқеа жойига етиб бориб, автомобилда бўлган икки нафар фуқарони қутқариб олдилар ва уларга биринчи тиббий ёрдам кўрсатилди. Махсус техника ёрдамида транспорт воситаси сойдан чиқариб олинди ва жабрланганлар шифокорлар назоратига топширилди. Ҳозирда мазкур ҳодиса юзасидан тегишли ўрганиш ишлари олиб борилмоқда.
“Қамчиқ” довонида йўл-транспорт ҳодисаси содир бўлиб, енгил автомобил сойга тушиб кетди. Бу ҳақда Фавқулодда вазиятлар вазирлиги маълум қилди.
Маълум қилинишича, 26 апрель куни А-373 автомобиль йўлининг довон қисмида “Водий–Тошкент” йўналишида ҳаракатланаётган “Волга” русумли машина ҳайдовчиси рул бошқарувини йўқотган. Оқибатда транспорт воситаси йўл четидан чиқиб кетиб, пастда жойлашган сойга қулаб тушган.
Ҳодиса юзасидан “112” ягона қўнғироқ тизими орқали “Қамчиқ” махсус қутқарув бўлимига хабар берилган. Қисқа вақт ичида қутқарувчилар ҳодиса жойига етиб борган.
Қутқарув амалиёти давомида автомобил ичида бўлган икки нафар фуқаро олиб чиқилиб, уларга биринчи тиббий ёрдам кўрсатилган. Кейинчалик жабрланганлар тез тиббий ёрдам ходимларига топширилган.
Шунингдек, махсус техника ёрдамида сойга тушиб кетган автомобил ҳам хавфсиз ҳудудга чиқарилган. Ҳозирда ҳолат юзасидан тегишли тартибда ўрганиш ишлари олиб борилмоқда.
Изоҳлар 0
…