 | ||
|---|---|---|
Фарғона вилоятининг Данғара туманида содир бўлган даҳшатли жиноят юзасидан суд ҳукми эълон қилинди. Онасини шафқатсизлик билан ўлдирган 29 ёшли эркак узоқ муддатга қамалди.
Маълумотларга кўра, ҳодиса куни она ва ўғил ўртасида пул масаласи сабаб жанжал келиб чиққан. Тортишув вақтида айбланувчи қўлидаги болта билан онасининг бош қисмига бир неча марта зарба берган. Оқибатда аёл оғир тан жароҳатлари олган ва воқеа жойида вафот этган.
Тергов материалларида қайд этилишича, шундан кейин эркак жиноят изларини яширишга уринган. У жасаднинг танасини томорқанинг бир қисмига, бошини эса ҳожатхона ортига кўмиб қўйган. Сўнг воқеа жойидан қочиб кетган.
Ҳуқуқни муҳофаза қилувчи органлар томонидан олиб борилган тезкор тадбирлар натижасида жиноят фош этилди ва гумонланувчи қўлга олинди.
Данғара туман суди ҳукмига кўра, айбланувчи Ўзбекистон Республикаси Жиноят кодексининг 97-моддаси 2-қисми “ж” банди билан айбдор деб топилди. Суд унга нисбатан 18 йил муддатга озодликдан маҳрум қилиш жазосини тайинлади.
“Zamin”ни Telegram'да ўқинг!
