Фарғона вилоятида зилзила содир бўлди

24 июнь куни соат 21:07 да Фарғона вилояти ҳудудида зилзила қайд этилди.

Республика Сейсмопрогностик мониторинг маркази маълумотига кўра, ер силкиниши эпицентри Фарғона вилоятининг Қувасой шаҳрида жойлашган. Зилзила магнитудаси 4 баллни, чуқурлиги эса 13 километрни ташкил этган.

Ер силкиниши Фарғона вилоятида эпицентрдан 14 километр масофада 3–4 балл куч билан сезилган. Андижон вилоятида эса зилзила кучи 2 баллни ташкил қилган. Ҳудуд эпицентрдан 63 километр масофада жойлашган.

Зилзила эпицентри Тошкент шаҳридан 251 километр жануби-шарқда қайд этилган.

Ҳозирча зилзила оқибатида талафотлар ёки жабрланганлар борлиги ҳақида маълумот берилмади.