20 декабрь куни мудофаа вазирлиги «Бунёдкор» стадиони яқинида ҳарбий техника намойишини ўтказади

20 декабрь куни соат 12:00 да пойтахтдаги «Бунёдкор» стадиони яқинида илк бор «Миллий армия — жасорат, матонат ва қаҳрамонлик мактаби!» шиори остида ҳарбий-ватанпарварлик акцияси ўтказилади. Бу ҳадқа «Газета.uz»га таяниб «Дарё» хабар бермоқда.

Тадбирда Ўзбекистон мудофаа вазирлиги замонавий қурол-яроғ ва ҳарбий техника намойишини ўтказади.

Ҳарбий хизматчилар, шунингдек, қўл жанги техникасини, махсус техник воситалардан фойдаланиш имкониятларини намойиш этади.

Ҳарбий оркестр ва миллий эстрада юлдузлари иштирокида концерт дастури ташкил этилади.

Мудофаа вазирлиги пойтахт аҳлини акцияда иштирок этиш учун таклиф қилмоқда. Тадбирларга кириш бепул. «Замин»ни Telegram’да ўқинг!