2020 йилгача гўшт, картошка, шакар ва гуруч бож тўловларисиз олиб кириладиган бўлди

Президентнинг «Товар бозорларида савдони янада эркинлаштириш ва рақобатни ривожлантириш чора-тадбирлари тўғрисида»ги фармонига мувофиқ Ўзбекистонга олиб кирилиши мумкин бўлган маҳсулотлар рўйхати белгиланди. Бу ҳақда Адлия вазирлиги хабар берди.

Ҳужжатга кўра, 2020 йил 1 январга қадар қуйидагиларни мамлакатга божхона тўловлари тўламасдан олиб кириш мумкин:

• Тирик йирик қорамол, қўй-эчкилар;
  
• Қорамол, қўй ва эчки гўшти;
  
• Картошка, соя ловияси;
  
• Кунгабоқар, кунжут уруғи;
  
• Шакар, гуруч.
  

Шунингдек, цемент, асбест, қурилиш ойнаси, ёғоч ва кўмир маҳсулотлари импорти бўйича ҳам 2020 йил 1 январга қадар божхона имтиёзлари тақдим этилди.

Божхона имтиёзлари ишлаб чиқарувчи корхоналар ўзларининг эҳтиёжлари учун асосий қурилиш материаллар, жумладан, цемент клинкери ва асбестни импорт қилганда ҳам қўлланилади. «Замин»ни Telegram’да ўқинг!