«Зирапча» — мен севган реалити шоу

2 дақиқа ўқиш5.7K
«Зирапча» — мен севган реалити шоу
«Севимли» телеканалида эфирга узатилаётган «Зирапча» шоусини Youtube орқали томоша қиляпман. Одатда, ўзбек телеканалларидан сифатли кўрсатувлар чиқишига ишончим у қадар катта эмас. Айниқса, охирги марта қачон ўзбекистонликлар ишлаган бадиий филмни томоша қилганимни эслолмайман.

Лекин «Зирапча» кўрсатуви мени ўзига ром этди. Мен уни аёллар дастури, кўнгилочар кўрсатув эмас, балки инсон фожиасини очиб берувчи ижтимоий асар деб атаган бўлардим.

Реалити шоуда қатнашаётган ҳар бир инсон алоҳида бир дунё; алоҳида тақдирга, фожиага эга. Кўрсатув режиссёрига, ижодкорларига катта раҳмат. Мана шу тақдирни, фожиани иштирокчиларнинг ўз тилидан очиб бера олган. Мен бу дастурни айнан шунинг учун томоша қиляпман.

Ҳар бир қаҳрамонга қўшилиб йиғлагингиз келади, кулгингиз келади. Уларга ачинасиз, раҳмингиз келади; баъзан меҳрингиз жўшади.

Уларнинг фожиаларини бир-бирига боғлаб турувчи умумий сабабларни топгандек бўласиз. Булар — отасиз ёки онасиз ўсиш, ота-она меҳрига тўймаслик, болаликдан оғир ва шафқатсиз турмушга, турли фожиаларга гувоҳ бўлиш, уларда иштирок этиш...

Бугун уларнинг аксарияти кўпчилигимизга ёқмайдиган шахсларга айланган: алкогол ичади, чекади, енгил-елпи ҳаёт кечиради, ҳатто ўғриликларга қўл урган...

Эҳтимол, улар бахтли болаликка эга бўлганда, севимли ота-она бағрида улғайганда, ҳаёт машаққатларига бу қадар эрта йўлиқмаганда, сиз билан биздек нормал одамларга айланган бўлармиди?! Мени шу савол кўп ўйлантиради.

Камчиликлар
Шоу режиссура ва продюсерлик нуқтаи назаридан аъло даражада ишланган. Камчиликлар кўпроқ психолог ва мутахассислар маслаҳатларида кўринади. Асосий психолог Азиза опа ўз вазифасини яхши бажараётгандек. Барча иштирокчилар уни яхши кўради; у қизларнинг ичидан гапларини чиқара олади, лекин психолог сифатидаги маҳорати менда бироз шубҳа уйғотади. Ҳақиқий психолог сифатида эмас, балки кўрсатувга мазмун бағишлаш, қизларни сценарий бўйича йўналтириш учун жалб қилингандек.

Шоунинг 2-фаслида Азиза опадан бошқа яна бир нечта бошқа психологлар ҳам қатнашган эди. Уларнинг иштирокига мутлақо тоқат қила олмадим ва шу боис 2-фасли охиригача кўрмаган эдим. 3-фаслда улар ҳозирча иштирок этмаяпти, Худога шукр.

Хотин-қизлар қўмитаси вакили Жамила опа роли ҳам баҳсли. Унинг фикрлари баъзан менга ёқади, кўпинча эса анъанавий «маънавиятчи» хотин сифатида гавдаланади. Бу эса шоунинг муваффақиятини таъминлаган жиҳатларга соя ташлаб туради.

Умуман олганда, ибрат олиш учун, меҳр-оқибат, яхшилик қилиш, ҳаётнинг, яқинларнинг қадрига етиш каби унутилган ёки ухлаб қолган инсоний ҳисларни яна бир бор уйғотиш учун жуда яхши ижтимоий лойиҳа бўлибди. Кўришни тавсия қиламан.

Манба: Sof.uz
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?