00:45 / 05.06.2020
5 700

Қирғиз депутатининг Ӯзбекистон Республикаси Бош вазирига жавоби

Қирғиз депутатининг Ӯзбекистон Республикаси Бош вазирига жавоби
Қирғиз оммавий ахборот воситаларида сиёсатчи Қамчибек Ташиевнинг Ӯзбекистон Республикаси Бош вазирига жавоби эълон қилинди. Унда шундай дейилади:

"Ҳурматли халойиқ!

2020 йил 1 июнь куни Ӯзбекистон Республикаси бош вазири А.Ариповнинг Сӯх қишлоғи аҳолиси билан бӯлган йиғилишда айтган сӯзига мен жавоб беришга қарор қилдим, чунки бунга ҳукуматимизнинг жавоб беришга кучи етмайдиганга ӯхшайди. Қирғизистонда давлат, ер ва мулк эгаси қирғиз эли, мен эса мана шу элда яшовчи турғунман.

Қӯшни Ӯзбекистон Республикасининг ҳукумат бошлиғи жаноб А.Арипов, билиб ва тушуниб олинг:

1. "Чечме" (Чашма) қишлоғидаги булоқ Қирғизистон ҳудудида жойлашган. Шу сабабли биз қӯшни давлат турғунларига ӯзаро келишув орқали булоқдан фойдаланишга рухсат бера оламиз.
2. Сӯх қишлоғи аҳолисига сув, ер етишмаслигига ушбу ҳудудда яшаб келаётган аҳолининг тезкор суръатларда кӯпаяётганлиги сабаб бӯлмоқда, уларнинг кӯпаяётганини инобатга олиб биз сувимизни, еримизни уларга бера олмаймиз, чунки ӯзимизга ҳам етмайди. Агар ортиқча ерингиз бӯлса Ӯзбекистонга кӯчириб олиб кетинг, биз эса бир метр еримизни ҳам бермаймиз!
3. Биз рӯй берган воқеа бӯйича узр сӯрамаймиз, чунки булоғимизни тозалаш жараёнида аввал ӯзбек фуқаролари келиб (қирғизларга) куч ишлатган, биринчи уйни улар ёқиб юборишган ва қирғизларни уриб, калтаклашган. Бизнинг юртдошларимиз эса воқеа жойига орадан бир неча вақт ӯтгандан кейин келиб, тӯпланиб, "бузғунчилар"нинг таъзирини беришган. Биз Ӯзбекистон халқини, давлатини ҳурмат қиламиз ҳамда ӯзаро муросага келиб яшаш бурчимиз!
4. Сӯх-Риштон йӯлини очиш бӯйича ҳеч қандай юридик ҳужжатни кӯрмаганмиз. У ҳолда нима учун Қорасув тумани ҳудудида жойлашган Қирғизистоннинг Барак қишлоғини тӯла блокада қилиб йӯқ қилдингизлар, Қирғизистондан чиққан булоқ сувини Худо берган сув деб айтибсиз, унда Ӯзбекистондан чиққан газни ҳам шу тариқа бизга бепул беринглар.
5. Биз ўзбек давлати билан Худо қӯшган қӯшнимиз, шу сабабли ҳукмронлик қилиш сиёсати ҳар икки давлатга яхшилик олиб келмайди. Ҳурмат билан Ташиев
".

P.S. Бу ҳар иккала ҳукуматнинг 30 йилдан бери чегара масаласини дипломатик йӯл билан узил-кесил ҳал қила олмаганликлари оқибати. Ушбу муаммони ӯз вақтида ҳал қилмасликка нима тӯсқинлик қилди? Дунёда манаман деган глобал муаммолар ҳал қилинаётган бир чоғда ӯзбегу қирғиз ҳукмрон доира вакилларининг бир неча километрдан иборат ӯртадаги чегараларни аниқлай олмагани ниҳоятда ғалати.
Ёки бунинг учун икки мустақил давлатнинг ҳукумати шу пайтгача кимлардандир рухсат сӯраш билан овора бӯлиб қолдимикан? Ёхуд ӯзбек-қирғиз чегарасини аниқлашга ӯз вақтида "катта оға" яхши-ёмон кунларимизда керак бӯлади", деб рухсат бермадимикан? Илоҳим, охири бахайр бӯлсин. Қардош ӯзбек-қирғиз халқининг осойишталигига, аҳиллигига ҳеч қачон дарз кетмасин!

Манба: Azon.uz
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)