2 183
Олимлар AstraZeneca вакцинаси билан эмлашдан кейин тромбоз ҳосил бўлиши сабабини тушунтиришди
Фото: REUTERS/Zorana Jevtic
Германиядаги Грайфсвалд университети олимлари AstraZeneca компаниясининг коронавирусга қарши вакцинаси у билан эмланган баъзи одамлар организмида ҳимоя механизмини ишга тушириши ва бунинг натижасида тромблар ҳосил бўла бошлашини маълум қилишди. Бу ҳақда NDR телеканали хабар берди.
Телеканалда таъкидланишича, олимлар Паул Эрлих номидаги тиббиёт институти мутахассисларига мурожаат қилиб, уларга тромбоз ҳосил бўлган беморлар қон намуналарини беришни сўрашган. 6 кишининг қони таҳлили ушбу ҳимоя механизми танада яралар битиши вақтида фаоллашишини кўрсатган. Бунда қон қуюлиб, яра битади. Олимларнинг таъкидлашича, эмлаш ҳам ушбу механизмнинг фаоллашишига хизмат қилган ва бу мияда қон қуйқалари ҳосил бўлишига олиб келган.
Олимларнинг таъкидлашича, эмланганларда бундай тромблар ҳосил бўлишига вакцинани ишлаб чиқишдаги хатолик, организмнинг вакцинага индивидуал реакцияси ёки касалликларга мойиллиги сабаб бўлиши мумкин. Олиб борилган тадқиқот даволашнинг махсус курсини ишлаб чиқиш имконини беради. Олимларнинг айтишича, тромбоздан дори воситасини эҳтиёт чораси сифатида олдиндан киритиш мумкин эмас, даволашни эса тромблар ҳосил бўлгандан кейин бошлаш лозим.
Тадқиқот натижалари нуфузли илмий нашр Lancet’да чоп этилиши режалаштирилган.
18 март куни Европанинг бир қатор давлатлари, жумладан Германия, Франция ва Италия Европа дори воситалари агентлиги (ЕМА) AstraZeneca вакцинасини хавфсиз деб топгандан кейин у билан аҳолини эмлашни давом эттиришга қарор қилди.
ЕМА’да вакцина хавфсиз ва коронавирусга қарши самарали экани, бироқ уни қўллаш натижасида тромблар ҳосил бўлиши мумкинлиги ҳақидаги огоҳлантириш вакцинанинг йўриқномасига қўшилиши айтилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди