Туркия кино саноатининг асосий воқеаларидан бири — “Олтин капалак” маросими бўлиб ўтди. Бу тадбир Туркия учун “Оскар”га ўхшайди, шунинг учун ҳар сафар номзодлар рўйхатида энг талабгир турк актёрлари бўлади. Аммо бу йил томошабинлар қизил гиламда Афра Сарачўғлу, Мирай Данер, Биржа Акалай ва бошқаларни кўришни истасалар-да, кўплаб номзодлар тадбирда кўринмади. Турли номинациялар бўйича ғолиблар билан таништирамиз.
“Marvarid доналари” — 2024 йилнинг энг яхши сериали
“Marvarid доналари” драмаси бу йил ғолибликни қўлга киритди. Талабгорлар орасида “Қизил шарбат”, “Қўрғон сирлари”, “Баҳор”, “Чегарасиз муҳаббат”, “Алвон ғунчалар” сериаллари ҳам бор эди.
Мукофотни бош рол ижрочиси Ҳазар Эргучлу қабул қилиб олди ва нутқ сўзлади:
- "Ҳурматли ҳакамлар ҳайъати аъзоларига миннатдорлик билдирамиз. Биз жуда бахтиёрмиз. Мен бу ерга мукофот олиш учун келганман. Биз бу ерда бутун жамоа билан бўлишни хоҳлардик, аммо суратга олиш давом этаётгани сабабли фақат мен иштирок эта олдим".
Демет Эвгар — 2024 йилнинг энг яхши актрисаси
“Энг яхши актриса” номинациясида “Баҳор” сериалидаги роли учун Демет Эвгар ғалаба қозонди. Демет мукофотни муносиб тарзда олди, чунки у қатнашган мелодрама 2024 йилнинг энг машҳур асарига айланиб, Туркиядан бошқа давлатларда ҳам шуҳрат қозонди.
Овоз берганларнинг барчасига раҳмат. Ҳакамлар ҳайъати аъзоларига миннатдорлик билдираман. “Баҳор” сериали жамоасига алоҳида ташаккур айтмоқчиман.
Мерт Язижиоғлу — 2024 йилнинг энг яхши актёри
“Энг яхши актёр” номинациясида “Алвон ғунчалар” сериалида бош роллардан бирини ижро этган Мерт Язижиоғлу ғолиб бўлди. Бу номинацияда Буғра Гулсой, Бурак Дениз, Дениз Жан Акташ ва бошқа кўплаб актёрлар ғолиблик учун курашишди. Саҳнада актёр сериал жамоасига миннатдорлик билдириб, ҳозирда улар кейинги қисм устида ишлаётганлигини маълум қилди.
Бертан Асллани ва Рожбин Эрден — “Энг яхши жуфтлик”
Аси ва Алаз — “Ёввойи” сериалидаги ёрқин жуфтлик сифатида ғолиб бўлди. Ижтимоий тармоқлар туфайли уларнинг биргаликдаги ҳештеги катта қўллаб-қувватлашга сазовор бўлди ва эслатмалар сони бўйича юқори кўрсаткичга эришди.
Айтганча, бу жуфтлик аллақачон ёшлар маросимида ва “Güzel Awards 2024” тадбирида ғолиб чиқишга муваффақ бўлган.
Перихан Саваш — “Кино афсонаси”
Махсус номинацияда “Саховат”, “Тилак тоши”, “Бегона” сериалларининг юлдузи Перихан Саваш ғолибликни қўлга киритди.
“Ёрқин юлдуз” номинацияси ғолиблари олдиндан маълум эди. Бу йил мукофотни Сумее Айдоған, Мелис Минкари, Алиса Сезен Север ва Йигит Кочак қўлга киритди.
Маросимнинг ёрқин юлдузларидан бири Сила Туркўғлу бўлди. Актриса “Энг яхши актриса” номинациясида номзод бўлганди, аммо бу йил ғолиб бўлолмади.
“Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Майк Тайсон: “Йиғладим ва қасос олишга ваъда бердим”
Башар Асад оиласи билан Москвага қочиб келгани маълум бўлди
Исёнчилар Дамашқ қамоқхонасида кутилмаган ҳолатга дуч келишди
Туркия Сурия мухолифатининг Асадни ағдариш режалари ҳақида 6 ой олдин билган
Исроилда бош вазир Бинямин Нетаняҳу устидан суд жараёни бошланди
Ўзбек шоу-бизнеси вакиллари Ҳалима Ибрагимовани қандай хотирламоқда?
Башар Асаднинг яқин қариндоши осиб ўлдирилди
Қарзинг бўлмасин!
