Кажол 1994 йилда “Гундараж” фильмини суратга олиш жараёнида актёр Ажай Девган билан танишиб, муносабат бошлаган. Матбуот уларни турли хил характерга эга “ноодатий жуфтлик” деб атаган. Девган эса муносабатлари ҳақида “Бизда ҳеч қачон расмий севги ифода ёки таклиф бўлмаган. Биз бирга ўсганмиз, тўй ҳақида очиқ гапирилмаган, аммо у доимо аён эди”, деган.
Икки машҳур 1999 йил 24 февралда Девганнинг уйида анъанавий махараштра услубида тўй қилишди. Бу никоҳ матбуот диққат марказида бўлиб, айрим журналистлар Каджолнинг карьера чўққисида турмуш қуришини танқид қилишган. Аммо у фильмлардан кетмаслигини, фақат иш миқдорини қисқартиришини айтган.
Турмушдан кейин Кажол Жуҳудаги Девганларнинг хонадонида яшай бошлади. Уларни бир неча бор ажралиш ҳақидаги миш-мишлар қувиб келган, аммо Кажол буни асоссиз гаплар деб рад этган. У 2003 йилда қиз фарзанд – Нисани, 2010 йилда эса ўғил – Югни дунёга келтирди. Оналикни “ажойиб” деб таърифлаган Каджол фарзандлари ундаги энг яхши жиҳатларни очганини таъкидлаган. 2015 йилдан бошлаб у расман Кажол Девган номи билан танилади.
«Замин»ни Telegram’да ўқинг!
