Бир йил ўтгач, Леди Гага "Жокер: Икки кишилик жиннилик" фильми ҳақидаги салбий фикрларга жавоб қайтарди. Бу ҳақда Pravilamag ёзади.
Поп-хонанда қаттиқ танқид унга «жуда аҳмоқона» туюлганини айтди ва бу ролга жуда кўп меҳнат сарфлагани учун “оғриқли тажриба” бўлганини таъкидлади.
«Мен бефарқ бўлмаганман. Қизиғи шундаки, буни айтиш менга бироз ноқулай, лекин ростини айтсам, танқид бошланганда кулиб юборганман. Чунки бу мени мутлақо сергакликдан чиқариб қўйган», — деди қўшиқчи.
«Баъзан вазиятни қабул қилишга вақт керак бўлади ва бу оғриқли кечиши мумкин. Ахир мен ишимга ўзимдан жуда кўп нарса қўшаман», — деб қўшимча қилди у.
“Жокер”нинг давоми 2024 йил сентябрда прокатга чиққан. Леди Гага бош қаҳрамоннинг севгилиси — Харли Квинн ролини ижро этган. Rotten Tomatoesда фильм ҳам танқидчилардан, ҳам томошабинлардан 31% “янгилик” рейтинги олган. Шунингдек, фильм “Олтин малина” антипремиясига ҳам сазовор бўлиб, Хоакин Феникс ва Леди Гага жуфтликни “экрандаги энг ёмон дуэт” деб топган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
