Нилуфар Усмонова тан олди: ҳеч қачон бозорлик қилмаганман

Таниқли хонанда Нилуфар Усмонова оилавий ҳаётига оид қизиқ маълумот билан мухлислари эътиборини тортди. Санъаткорнинг айтишича, уларнинг хонадонида кундалик бозор-ўчар ишлари билан турмуш ўртоғи шуғулланади.

Хонанда бу ҳақдаги саволга жавоб берар экан, уй-рўзғор учун зарур маҳсулотларни харид қилиш вазифаси фарзандларининг отаси зиммасида эканини таъкидлади.

“Болаларимнинг отаси бозорлик қилади. Ростини айтсам, мен умуман бозорлик қилмаганман”, — деди Нилуфар Усмонова.