Шоҳруҳ Мирзо ва Ойшахон илк бор фарзандли бўлишди
Актёр Шоҳруҳ Мирзо Абдуқундузов ва блогер Ойшахон илк бор ота-оналик бахтига эришиб, фарзандли бўлишди. Бу қувончли хабарни блогер ўзининг ижтимоий тармоқдаги саҳифасида чақалоқ билан туширилган видеони эълон қилиш орқали маълум қилди. Ойшахон ўз постида 2026-йил 30-июн санасини қайд этиб, болажонига самимий тилакларини ёзиб қолдирди. Ижтимоий тармоқ фойдаланувчилари ва мухлислар ёш оилани табриклаб, чақалоққа соғлик ва порлоқ келажак тилашмоқда.
Ўзбекистон халқ артисти Муҳаммадали Абдуқундузовнинг катта набираси, актёр Шоҳруҳ Мирзо Абдуқундузов ва блогер Ойшахон илк бор ота-оналик бахтига муяссар бўлишди.
Қувончли хабарни Ойшахон ўзининг ижтимоий тармоқдаги саҳифаси орқали маълум қилди. У чақалоқ билан туширилган видеони эълон қилиб, унга самимий изоҳ ҳам қолдирди.
"30.06.2026. Хуш келибсиз, болажоним, бизнинг севги тўла оиламизга. Роббим сизни ёмон кўзлардан асрасин. Ма шаа Аллоҳ", — деб ёзди блогер.
Қисқа вақт ичида мазкур видео минглаб томошаларни йиғди. Мухлислар ва ижтимоий тармоқ фойдаланувчилари ёш оилани ўғил фарзандли бўлгани билан табриклаб, чақалоққа соғлик, бахт ва порлоқ келажак тилашмоқда. Изоҳларда кўпчилик янги меҳмон ота-онасига фақат қувонч олиб келишини тилаб, самимий эзгу ниятларини билдириб ўтган.
Изоҳлар 0
…