Актриса Фарангиз Абдазова илк бор она бўлди

Актриса Фарангиз Абдазова ҳаётидаги энг қувончли янгиликлардан бирини мухлислари билан бўлишди. У илк бор она бўлганини маълум қилиб, 8 август куни ўғил фарзандли бўлганини эълон қилди.

Актриса ушбу хушхабарни Instagram саҳифасида жойлаштирган видеоси орқали маълум қилган. У фарзандининг дунёга келган санасини ҳам кўрсатиб, видео остига “Хуш келибсан, ўғлим! 08.08.2026” дея изоҳ қолдирган.

Мазкур қувончли хабар актрисанинг кузатувчиларини ҳам бефарқ қолдирмади. Улар Фарангиз Абдазовани оналик бахти билан муборакбод этиб, янги меҳмон — ўғилчасига соғлик, бахт ва узоқ умр тилашмоқда.