Ўзбекистонлик Олег Терновой Россияда «Песни» шоу-танловининг ғолиби бўлди (видео)

Фото: Instagram/Олег Терновой
Олег Терновой (Terry) Россиянинг TNT телеканали томонидан ташкил қилинган «Песни» шоу-танловининг ғолиби бўлди. Бу ҳақда Sputnik маълум қилди.

Ўзбекистонлик қўшиқчи танловда «Домофон» ва Егор Крид билан жуфтликда айтилган «Мега» номли қўшиқлари билан томошабинлар ёдида қолди. Ўз ғалабасини эса онасига бағишлади.

Терновойга 5 миллион рубль мукофот берилади ва у яна бир ўзбекистонлик — MC Doni каби Тиматининг Black Star лейбли билан шартнома имзолайди.

Профессионал хонанда бўлмаган Олег Терновойнинг ушбу танловда ғалаба қозониши кўпчилик учун кутилмаган ҳол бўлди. У олдин Тошкент рус драматик академик театри артисти ҳамда тез ёрдам фельдшери бўлиб ишлаган.

“Мен бу ерга одамларга орзу қилишдан тўхтамасликни, нима бўлса ҳам ўз мақсади йўлидан бориш кераклигини кўрсатгани келдим”, — деб изоҳ берди ўз ғалабасига Олег.

“@ternovoy_oleg беш йилдан бери @blackstarofficial!!! билан шартнома имзолаш учун ҳаракат қилмоқда. Йўл-йўлакай у бирор марта ҳам ўз йўналишини, ёки қўйган мақсадини ўзгартирмади ва қийинчиликлардан ўтиб ғалаба сари интилмоқда. Мана шу ҳақиқий ҳақиқий ғолибга хос хусусият эмасми? Атрофдагиларнинг танқид ва кулгуси остида Меркурий минораси чўққисига!!! Характер + ўзига ишонч + бўш келмаслик + талант + стил + ўзини намойиш қила билиш”, — деб изоҳ берди Терновойнинг ғалабасига россиялик рэпер ва конкурс ташкилотчиларидан бири Тимати ўз инстаграмида.

View this post on Instagram

Пять лет @ternovoy_oleg ?? идёт к контракту с @blackstarofficial !!! И ни разу по пути, не переобулся, не поменял цель, не сменил фарватера, через терни вперёд к мечте !!! Это ли не качество настоящего победителя ?! Не взирая на критику и насмешки со стороны, на самую вершину башни «Меркурий» !!! Характер + вера в себя + упорство + талант + стиль + умение подать себя = ? BLACK STAR ™️ @pesninatnt ?

A post shared by Black Star (@timatiofficial) on Jun 2, 2018 at 12:45pm PDT