U-20 Осиё кубоги 3-туридан ўрин олган иккита учрашув якунига етди. Хусусан "B" гуруҳида Саудия Арабистони ёшлари КХДР устидан 2:1 ҳисобида ғалабага эришди. Ироқ эса Иордания билан муроска кўчасини танлади - 0:0. Бу квартетда Саудия Арабистони биринчи ўрин билан, Ироқ иккинчи ўрин билан кейинги босқичга йўлланмага эга чиқди.
"B" гуруҳи
Саудия Арабистони - КХДР 2:1
Голлар: Саад Ҳақави 51, Тамер Ал Ҳайбари 85 - Хан Жаэ Йонг 28.
Ироқ - Иордания 0:0
Кеча "A" гуруҳида Австралия мезбон Хитойни 2:1 ҳисобида таслим қилган бўлса, Қатар қўшниларимиз Қирғизистонни 4:0 ҳисобида тор-мор этди. Бу гуруҳда Австралия биринчи, Хитой иккинчи ўрин билан чорак финалга чиққанди.
"A" гуруҳи
Хитой - Австралия 1:2
Голлар: Куаи Живен 29 - Медин Мемети 23, Луи Агости 25.
Қирғизистон - Қатар 0:4
Голлар: Таҳсин Муҳаммад 28, Муаз Иброҳим 45+5, Муҳаммад Холид 55, Нурелдин Иброҳим 83.
Шундай қилиб чорак финалнинг дастлабки икки жуфтлиги ҳосил бўлди:
Чорак финал, 22 февраль
1. Австралия - Ироқ
2. Саудия Арабистони - Хитой
Эслатиб ўтамиз, бугун Тошкент вақти билан соат 16:30да Ўзбекистон ёшлар терма жамоаси Эронга қарши гуруҳ ғолибини аниқлаш учун майдонга тушади. Бу гуруҳдан кейинги босқичга чиққан икки жамоа "D" гуруҳи вакиллари билан тўқнаш келишади. "D" гуруҳида 2-турдан кейин Жанубий Корея (6 очко) пешқадам, Япония (4 очко) иккинчи ўринда, Сурия ҳисобида 1 очко бор, Таиландда эса очко йўқ.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
