Осиё кубоги U-17 финали олдидан Исмоилов: “Қўрқмаймиз, ғалаба учун майдонга чиқамиз!”

1 дақиқа ўқиш5K
Осиё кубоги U-17 финали олдидан Исмоилов: “Қўрқмаймиз, ғалаба учун майдонга чиқамиз!”
Ўзбекистон U-17 терма жамоаси бош мураббийи Исломбек Исмоилов ва футболчимиз Сайфиддин Содиқов финал учрашуви олдидан матбуот анжуманида иштирок этишди.

Исмоилов: “Асосий мақсад — халқимизни хурсанд қилиш”

"Финалда ўйнаш ажойиб, жамоамиз билан бу учун узоқ меҳнат қилдик. Саудия Арабистони кучли терма жамоалардан бири. Уларга қарши кўп марта ўйин ўтказдик. Лекин финал ўз номи билан финал, олдимизда масъулиятли вазифа турибди. Ҳар икки жамоа ғолибликни қўлга киритишни мақсад қилади. Асосий мақсадимиз эртанги баҳсда ғалаба қозониб, халқимизни хурсанд қилиш", - деди жамоамиз бош мураббийи Исломбек Исмоилов.

Финалга тайёргарлик ҳақида

— Ҳар бир учрашувга алоҳида тайёргарлик кўрамиз. Турнирда осон учрашувнинг ўзи йўқ. Финал ҳам қийин ўтади, сабаби руҳият биринчи ўринга чиқади. Биз футболчиларни ҳар томонлама ўйинга идеал ҳолатда тайёрлаш учун қўлимиздан келганича ҳаракат қиляпмиз. Барча футболчиларимиз учрашувга тайёр ҳолатда, бахтимизга ҳеч бир футболчимиз жароҳат олмади. Умид қиламизки, эртага жамоамиз энг яхши ўйинларидан бирини кўрсатиб, ғалаба қозонади.

Финал олдидан футболчилар руҳияти ҳақида

— Биз рақибларимизни ҳурмат қиламиз, лекин ҳеч бир жамоадан қўрқмаймиз. Ўз услубимизга эгамиз, ишонч билан, чиройли футбол билан ғалаба қозонмоқчимиз. Буни футболчиларимизга ҳам таъкидлаб келмоқдамиз. КХДРга қарши баҳсга ҳам руҳий жиҳатдан кўпроқ эътибор қаратдик. Бу ёшдаги футболчиларда руҳият ўзгарувчан бўлади. Футболда бир ҳолат иккинчи бор такрорланмайди. Биз ўтган ўйиндаги натижани унутиб, энг асосий учрашувда ғалаба қозонишга ҳаракат қиламиз.

Содиқов: “Очилишда ҳаяжон бор эди, энди ўзимизни топдик”

"Эртанги ўйиндаги рақибимиз Саудия Арабистони, бу жамоа билан бир гуруҳда ўйнадик, уларни жуда яхши биламиз. Гуруҳ босқичидаги ғалаба бизни бўшаштирмайди. Финалга руҳан ва жисмонан тайёрмиз. Очилиш учрашувида бироз ҳаяжонландик, лекин мураббийларимиз кўрсатмаси билан ўйиндан-ўйинга ўзимизни яхши ҳис қила бошладик. Ғалаба қозониб, кубокни юртимизга олиб кетмоқчимиз", - деди Сайфиддин Содиқов.

Сиз нима деб ўйлайсиз: Ўзбекистон U-17 жамоаси кубокни ютиб кела оладими? Йўлдаги охирги имтиҳонга тайёрмизми?
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?