Тимур Кападзе Абу-Дабида: Битта ўйин, битта имконият, бутун миллат орзуси

Ўзбекистон миллий терма жамоаси бош мураббийи Тимур Кападзе ҳозирда Абу-Даби шаҳрида бўлиб турибди. У жамоамиз учун ҳаёт-мамат даражасида аҳамиятга эга бўлган баҳс ўтказиладиган "Ал Наҳайён" стадионида инспекция ишларини амалга оширди.

Майдон текширилди, тайёргарлик бошланди

Таркибдаги мутахассислар билан биргаликда Кападзе стадион газони, умумий инфратузилма, таянч нуқталар ҳамда шарт-шароитларни синчковлик билан ўрганди. Ушбу ташриф орқали терма жамоамизнинг 5 июн куни БААга қарши баҳси олдидан барча жиҳатда тайёргарлиги таъминланмоқда.

Ўйин жойи: Al Nahyan Stadium, Абу-Даби
Вақти: 5 июн, 21:00 (Тошкент вақти)

Жаҳон чемпионатига йўлланма масаласи ҳал бўлади

Ушбу беллашув Ўзбекистон миллий жамоаси учун тарихий аҳамиятга эга. Чунки айнан шу баҳс натижасида жамоамиз Жаҳон чемпионатига чиқиш йўлланмасини расман қўлга киритиш имконига эга бўлади.

Энг муҳими — бизга дуранг ҳам етарли. Аммо йигитлар ғалаба учун майдонга тушиши шубҳасиз.

Сиз нима деб ўйлайсиз — терма жамоамиз бу имкониятдан фойдаланадими? Бизни Жаҳон чемпионатида кўриш вақти келмадими? «Замин»ни Telegram’да ўқинг!