UFC оламида яна бир тарихий кеча. Жанг санъати ишқибозлари интиқлик билан кутган UFC 317 турнири ўз якунига етди ва бу галги кечанинг марказий тўқнашуви барча кутилаётган драматик эҳтимолларни ортда қолдирди. Ярим афсона, ярим рамзга айланган Чарльз Оливейра ўз камарини қайтариб олиш умиди билан октагонга қадам ташлаган эди. Аммо унинг умиди ҳали ҳеч ким томонидан мағлуб этилмаган ёш тўлқин — Илия Топурия томонидан қатъият билан пучга чиқарилди.
Жангнинг илк сониялариданоқ Топуриянинг ўзини қандай сезаётгани аниқ кўриниб турди. У мутлақ диққат билан ҳаракат қилди, ҳаракатларида ишонч ва аниқлик бор эди. Илк раунднинг ўзидаёқ у рақибини бир неча бор мураккаб вазиятга тушириб қўйди. Ҳали Оливейра ўзини тўплаб, ҳужумга ўтишга улгурмасдан, Грузия вакилининг ўткир ва кучли зарбалари уни нокаутга учрашга мажбур қилди.
Оливейра эса, шу пайтгача октагонда кўрсатган маҳоратларини бу сафар намоён эта олмади. Унинг қайд этилган тажрибаси ва чемпионлик жанглари бугунги кеча фақат тарих саҳифаларида қолди. Барча муҳокамаларда "жанг жиддий бўлади", "Оливейра тажрибаси билан ғалаба қозониши мумкин" деган фикрлар кўп айтилаётган эди, аммо Топурия ўз кучи билан барча башоратларни инкор этди.
Бу ғалаба нафақат чемпионлик камари, балки UFC тарихида ўз номини муҳрлаш учун катта қадам бўлди. Ҳозирда Топурия енгил вазн тоифасида мутлоқ етакчига айланиб улгурди ва бу ғалабадан сўнг унинг рақибларига нисбатан талаблар ва кутилаётган синовлар янада ошиши аниқ.
Шунингдек, Топуриянинг ҳаракатлари, тўғри тайёргарлиги ва психологик устунлиги бевосита унинг жамоаси ва мураббийлари меҳнати билан боғлиқ. Чунки чемпион фақат октагонда эмас, балки залда ҳам яратилади. Бунинг исботини кечаги жанг аниқ намоён этди.
Эндиликда жангчилар ҳам, мутахассислар ҳам, мухлислар ҳам бир савол билан яшашни бошлайди: Топурияни ким тўхтата олади? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
