Суперлигада икки ойлик самарадор фаолият ўз баҳосини олди. Ўзбекистон Профессионал футбол лигаси томонидан эълон қилинган маълумотга кўра, “Бунёдкор” жамоаси бош мураббийи Илёс Зейтуллаев июнь ва июль ойларининг энг яхши мураббийи деб топилди.
Зейтуллаевнинг қўл остида "қалдирғочлар" сўнгги икки ойда кўпчилик учун кутилмаган натижаларни қайд этиб, мураббийнинг таниқли стратег сифатида шаклланиб бораётганини яна бир бор намоён қилди.
Маълумотларга кўра, жамоа мазкур давр мобайнида 5 та учрашув ўтказди. Шуларнинг 4 тасида ғалаба қозонди, яна битта беллашувда дуранг натижа қайд этилди. Ушбу юксак натижалар орқали "Бунёдкор"нинг ўйини нафақат очколар жиҳатидан, балки услуб, интизом ва фалсафа нуқтаи назаридан ҳам жиддий ўзгарганини кўрсатди.
Умумий ҳисобда жамоа рақиблар дарвозасига 10 та тўп киритган бўлса, ўз дарвозасидан 4 тўп ўтказиб юборган. Бу эса нафақат ҳужумда, балки ҳимояда ҳам мувозанат сақланганини кўрсатади.
Илёс Зейтуллаев учун бу мукофот – унинг машқ жараёнларига, тактик ёндашувига ва жамоа билан ўрнатган муносабатларига берилган муносиб баҳодир. Унинг раҳбарлигидаги “Бунёдкор” сўнгги пайтларда яна оммавий эътибор марказига тушмоқда. Жамоанинг ҳаракатларида якдиллик, интизом ва мураббийнинг қўли сезилиб турибди.
Айтиш керакки, Зейтуллаевнинг раҳбарлигида жамоа нафақат очколар тўплаяпти, балки мухлислар қалбини ҳам қайта қозона бошлагани кузатилмоқда. “Бунёдкор” ўйинларига бўлган қизиқиш яна ортиб бормоқда.
Шу билан бирга, мутахассиснинг рақобатбардошлиги ва турнир жадвалида юқори поғоналарга интилаётган бошқа клублар билан тенглаша олиши келгусида ҳам унинг раҳбарлигидаги жамоадан янада катта натижалар кутишга асос бўлади.
Илёс Зейтуллаевнинг муваффақияти — бу фақат унинг шахсий ютуғи эмас, балки бутун “Бунёдкор” жамоасининг биргаликда қайд этган муваффақиятидир. Бу эса мураббий ва футболчилар ўртасидаги ишончли алоқалар ва самарали ҳамкорлик натижаси сифатида баҳоланмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
