“Фиорентина” ўз майдонида “Болонья”га қарши ўйинда 0:2 ҳисобида орқада бораётганди, аммо ҳисобни тенглаштиришга муваффақ бўлди – учрашув 2:2 ҳисобида якунланди. Ўйин якунида “Фиорентина” дарвозабони Давид де Хеа ўз фикрларини билдирди.
“0:3 бўлгач, биз 0:6 ҳисобида мағлуб бўлишимиз мумкинлиги ҳақида ўйладим. Кейин гол бекор қилинди, биз бироз ўзимизга келдик ва ғалаба қозонишга яқин бўлдик.
Тўғрисини айтсам, бу ўйинда мағлуб бўлишимиз ҳам мумкин эди, аммо сўнгги 25 дақиқани яхши ўтказдик. Натижада бу яхши натижа, чунки ўйин бир пайтлар деярли ютқазилган эди.
Аммо ҳа, биз бироз қоқилмоқдамиз. Ҳамма ўз ўйинини яхшилаши зарур”, – деди Де Хеа DAZNга берган интервьюсида.
“Фиорентина” Италия чемпионати турнир жадвалида 18-ўринни эгаллаб турибди. Жамоа саккиз тур давомида бирор марта ҳам ғалаба қозона олмади (тўртта дуранг, тўртта мағлубият).
