Лондоннинг "Арсенал" клуби Лига кубоги доирасида "Брайтон"ни ўз майдонида 2:0 ҳисобида мағлуб этиб, ғалабали сериясини давом эттирди. Микел Артета жамоаси ғалабани 57-дақиқада Итaн Нванери ва 78-дақиқада Букайо Саканинг аниқ зарбалари эвазига қўлга киритди.
Opta маълумотларига кўра, "Арсенал" Англиянинг олий дивизиони тарихида бир ой давомида олтита ўйинда "қуруқ" ҳисобда ғалаба қозонган биринчи жамоа бўлди. Бунгача "тўпчилар" "Кристал Пэлас"ни (АПЛ, 1:0), Мадриднинг "Атлетико"сини (Чемпионлар лигаси, 4:0), "Фулхэм"ни (АПЛ, 1:0), "Вест Хэм"ни (АПЛ, 2:0) ва "Олимпиакос"ни (Чемпионлар лигаси, 2:0) мағлуб этган эди.
Лондон гранди учун кейинги рақиб Англия чемпионати доирасида "Бёрнли" бўлади. Учрашув ноябр ойининг биринчи кунида ўтказилади.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
