Лондоннинг "Арсенал" жамоаси бош мураббийи Микел Артета жамоасининг ушбу мавсумдаги мураккаб ўйин тақвими ҳақида ўз фикрларини билдирди. Артета Англия Лига Кубогидаги "Кристал Пэлас"га қарши ўйин санасидан норози.
Ушбу учрашув 23 декабр куни бўлиб ўтади. Мазкур учрашувдан икки кун олдин "канонирлар" "Эвертон"га қарши майдонга тушади, 27 декабр куни эса "Брайтон" билан беллашади.
"Бизда ҳозир етти нафар футболчи жароҳат олган. Таркибимизнинг чуқурлиги ҳақида гапириш қийин. Жуда кўп футболчиларимизни йўқотганмиз. Агар ҳар уч кунда ўйин ўтказишда давом этадиган бўлсак... Биз ҳурматни хоҳлаймиз", - деди Артета Sky Sports нашрига берган интервьюсида.
Эслатиб ўтамиз, "Арсенал" Англия чемпионатининг дастлабки 10 туридан сўнг 25 очко тўплаб, мусобақа жадвалида биринчи ўринда бормоқда.
“Zamin”ни Telegram'да ўқинг!
