Италия кубогида 1/8 финал босқичи расман старт олди ва ундаги илк тўқнашувлардан бири Туринда бўлиб ўтди. «Ювентус» ўзига мос даражада ҳаракат қилиб, «Удинезе»ни 2:0 ҳисобида мағлуб этди ва кейинги босқич учун йўлланмани қўлга киритди.
Беллашувнинг биринчи қисмидаёқ “зебралар” ташаббусни қўлга олди. 23-дақиқада Жонатан Дэвид жамоавий комбинацияни аъло даражада якунлаб, ҳисобни очди. Шу голдан кейин туринликлар ўйинни янада эркинлаштирди ва рақибни босим остида ушлаб турди.
Иккинчи бўлимда ҳам манзара ўзгармади. «Юве» ўйинни назорат қилиб борди ва 68-дақиқада Мануэл Локателлининг аниқ зарбаси билан ҳисобни икки баравар оширди. Бу гол амалда ўйинга якуний нуқта қўйди, «Удинезе» эса кучли рақибга қарши қайтиш имконини топа олмади.
Шу тариқа, Спаллетти шогирдлари кубокдаги навбатдаги босқичга йўл олишди. «Удинезе» эса мусобақадаги иштирокини шу ерда якунлади.
Италия кубоги. 1/8 финал
Ювентус – Удинезе: 2:0
Голлар:
Дэвид 23, Локателли 68
Ювентус: Ди Грегорио, Калулу, Гатти (Локателли, 56), Келли, Камбязо, Копмейнерс, Миретти (Консейсау, 75), Кабал (Жоао Мариу, 74), Маккенни, Йилдиз (Жегрова, 83), Дэвид (Опенда, 74)
Удинезе: Сава, Палма (Гуйе, 71), Солет (Кристенсен, 81), Бертола, Эизибуе, Ловрич, Заррага (Миллер, 59), Атта, Земура, Букса, Заниоло (Браво, 59)
Туринликлар энди навбатдаги босқич рақибини кутмоқда. «Юве»нинг бу мавсумги мақсади аниқ: кубок учун сўзсиз курашиш ва финалгача етиб бориш. Мухлислар эса жамоасидан янада кучли ўйинларни кутиб қолмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
