“Интер Майами” илк бор МЛС кубогини қўлга киритди (видео)

МЛС кубоги финалида «Интер Майами» ўз майдонида «Ванкувер»ни қабул қилиб, 3:1 ҳисобида ғалаба қозонди.

Учрашувнинг 8-дақиқасида мезбонлар Окампонинг автоголидан сўнг ҳисобда олдинга чиқиб олди. 60-дақиқада Аҳмед мувозанатни тиклади. 71-дақиқада Родриго Де Паул Лионел Мессининг узатмасидан сўнг Флорида клубининг иккинчи голига муаллифлик қилди. Алленде 90+6-дақиқада якуний нуқтани қўйди.

Шундай қилиб, «Интер Майами» МЛС кубогини қўлга киритди. Бу ўйин Серхио Бускетс ва Жорди Алба учун профессионал фаолиятларидаги сўнггисига айланди.

МЛС кубоги финали. 7 декабр
Интер Майами – Ванкувер 3:1
Голлар: Окампо 8 автогол, Де Паул 71, Алленде 90+6 – Аҳмед 60
Интер Майами – Риос Ново, Фрей, Фалкон, Бускетс, Аллен, Алба, Силветти (Брайт, 79), Де Паул, Родригес (Сеговия, 57), Алленде, Месси.
Ванкувер – Такаока, Окампо, Блэкмон, Лаборда, Ахмед, Присо (Пупе, 68), Кубас (Накамура, 82), Берхалтер, Сабби, Мюллер, Уайт.

Shuhrat Razzakov

«ZAMIN.UZ» муҳаррири