Франциялик журналист Лоик Танзи ПСЖ дарвозабони Матвей Сафоновнинг Қитъалараро кубок финалида «Фламенго»га қарши ўйиндаги ҳаракатларини юқори баҳолади. Учрашув асосий ва қўшимча бўлимларда 1:1 ҳисобида якунланди.
Соврин тақдири пенальтилар сериясида ҳал бўлди. Унда Сафонов ҳал қилувчи қаҳрамонга айланди: у беш зарбадан тўрттасини қайтарди ва парижликларга ғалабани тақдим этди.
Танзининг таъкидлашича, Сафоновнинг бу финалдаги ўйинини тарихий деб аташ мумкин. Журналист пенальтилар сериясидаги бундай натижа энг юқори даражадаги ютуқ эканини қайд этиб, финалдан кейин россиялик дарвозабон ПСЖнинг асосий посбони мақомига лойиқ эканини билдирди.
«Бу жаҳон даражасидаги ютуқ. Шундан кейин Сафонов ПСЖда албатта биринчи рақамга айланиши керак.
У жамоада ўйнаши шарт», дея Танзининг сўзларини келтиради «Спорт-Экспресс». Жорий мавсумда Сафонов барча мусобақаларда тўрт учрашувда майдонга тушиб, уч гол ўтказиб юборган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
