Кавазашвили Сафонов жароҳати психологияга таъсир қилиши мумкинлигини айтди

«Спартак»нинг собиқ дарвозабони Анзор Кавазашвили «ПСЖ» посбони Матвей Сафоновнинг жароҳати ва унинг руҳий ҳолатига эҳтимолий таъсири ҳақида фикр билдирди. Франция клуби россиялик дарвозабонда чап қўл суяги сингани аниқланганини маълум қилди.

Кавазашвилининг таъкидлашича, мажбурий танаффус Матвейнинг психологик ҳолатига салбий таъсир кўрсатиши мумкин. Сабаби Сафонов эндигина ўйин амалиётини ола бошлаган, кайфияти кўтаринки эди.

«Матвейнинг энди узоқ вақт майдонга туша олмаслиги ёмон. У юксалишда эди.

Энди жароҳат уни руҳан синдириб қўйиши мумкин, чунки у ўйнаш учун узоқ кутди», — дея Кавазашвилининг сўзларини «Матч ТВ» келтирди. Жорий мавсумда Сафонов тўртта учрашувда майдонга тушди, уларнинг иккитасида дарвозасини дахлсиз сақлаб қолди.