«Локомотив»нинг собиқ президенти Николай Наумов «Бенфика» бош мураббийи Жозе Моуриньонинг кейинги фаолияти учун қайси лига мос келишини айтди. У бу фикрларини «Евро-Футбол.Ru» нашрига берган интервьюсида билдириб ўтди. Бу ҳақда euro-football.ru хабар беради.
Наумовнинг таъкидлашича, Моуриньонинг энг кучли даври ортда қолган бўлиши мумкин: у мураббийга бироз танаффус кераклигини, футбол ривожи нуқтайи назаридан эса олдингидек янгилик ва кутилмаган ечимлар билан ажралиб турмай қолганини қайд этди.
Эксперт назарича, Моуриньо учун энг қулай йўналиш — Саудия Арабистони. Наумов бу ерда маошлар юқори эканини, шов-шув ва можаролар кўпроқ ёқишини, шунингдек, тажрибали ва ёши катта юлдуз футболчилар билан ишлаш имконияти ҳам борлигини айтди.
Эслатиб ўтамиз, Моуриньо бошқарувидаги «Бенфика» Чемпионлар лигаси 1/16 финалида Мадриднинг «Реал» жамоасига қарши майдонга тушади. Дастлабки учрашув 17 февраль куни Португалияда бўлиб ўтади.
“Zamin”ни Telegram'да ўқинг!
