Тошкент яна катта ММА байрамига мезбонлик қилади! 25 апрель куни пойтахтимиздаги муҳташам "Ҳумо арена" мажмуасида "MANGU 02" турнири бўлиб ўтади. Биринчи турнири жорий йилнинг 7 февралида муваффақиятли ўтказилган мазкур промоушен бу сафар янада қизиқарли ва халқаро жангларга бой кардни тақдим этмоқда.
Марказий жанг: Ўзбекистон Бразилияга қарши
Кечанинг асосий воқеаси ҳамюртимиз Достон Бозоров ҳамда бразилиялик хавфли рақиб Дарлан Феррейра ўртасидаги тўқнашув бўлади. Икки хил мактаб вакилларининг октагондаги баҳси турнирнинг ҳақиқий "безаги" бўлиши кутилмоқда.
Шунингдек, "Main Card"дан ўрин олган яна бир муҳим жангда Фурқатбек Ёқубов Жанубий Африка вакили Лутандо Бико билан куч синашади.
Асосий карднинг бошқа қизиқарли жуфтликлари:
Жаҳонгир Жумаев (Ўзбекистон) vs Камал Гусейнов (Россия)
Шукуржон Абдураҳимов (Ўзбекистон) vs Бурале Душан (Сербия)
Акбаржон Исломбоев (Ўзбекистон) vs Рмесон Оливейра (Бразилия)
Жасур Мирзамуҳамедов (Ўзбекистон) vs Ава Жашел Тича (Камерун)
"Prelims Card" – Ёшлар ва халқаро рақобат
Турнирнинг дастлабки қисмида ҳам мухлисларни кескин баҳслар кутмоқда. Бу ерда нафақат ўзбекистонлик, балки Грузия, Озарбайжон, Бразилия, Қирғизистон, Афғонистон ва Туркиядан ташриф буюрган спортчиларни кўришимиз мумкин:
Муҳаммадхон Қурбонов vs Жексон Лоурейро (Бразилия)
Мавлуд Тифиев vs Сейхун Асадли (Озарбайжон)
Маъруфжон Мамаразиқов vs Даирмиси Жавупаси (Хитой)
Зафар Рашидов vs Даурен Жақипбек (Қозоғистон)
Шоҳжаҳон Темиров vs Емал Ҳазим (Афғонистон)
Жавоҳир Латипов vs Фарҳод Аҳмадов (Туркия)
Азиз ММА ишқибозлари, сизнингча, марказий жангда Достон Бозоров бразилиялик рақибини қайси усулда мағлуб эта олади? "Ҳумо арена"да кимни қўллаб-қувватлайсиз?
Ўзбек ММА оламидаги энг сўнгги янгиликлар ва "MANGU 02" турнири натижаларини биз билан бирга кузатиб боринг.
“Zamin”ни Telegram'да ўқинг!
