Криштиану Роналду Ўзбекистонга қарши голлари билан янги натижа қайд этди
Португалия терма жамоаси ҳужумчиси Криштиану Роналду 2026 йилги Жаҳон чемпионатида Ўзбекистон дарвозасига гол уриб, мундиалда гол киритган энг ёши катта футболчилар рейтингида иккинчи ўринга кўтарилди ва бу пайтда у 41 ёшу 4 ойлик эди. Ушбу кўрсаткич бўйича рекорд 1994 йилги Жаҳон чемпионатида 42 ёшу 1 ойлигида гол урган камерунлик Роже Миллага тегишли ҳисобланади.
Криштиану Роналду Жаҳон чемпионатида гол урган энг ёши катта футболчилар рейтингида иккинчи ўринга кўтарилди. Португалия терма жамоаси ҳужумчиси 2026 йилги мундиалда Ўзбекистон дарвозасига гол урган пайтда 41 ёшу 4 ойлик эди.
Бу кўрсаткич бўйича рекорд Камерун терма жамоасининг собиқ футболчиси Роже Миллага тегишли. У 1994 йилги Жаҳон чемпионатида Россияга қарши ўйинда 42 ёшу 1 ойлигида гол урган.
Рейтингда учинчи ўринни Португалиянинг яна бир вакили Pepe эгаллаб турибди. У 2022 йилги мусобақада Швейцария дарвозасини 39 ёшу 9 ойлигида ишғол қилган.
Лионель Месси эса тўртинчи поғонадан жой олди. Аргентина сардори 2026 йилги Жаҳон чемпионатида Австрияга қарши гол урганида 38 ёшу 11 ойлик эди.
Жаҳон чемпионатида гол урган энг ёши катта футболчилар:
• Роже Милла — 42 ёш 1 ой
• Криштиану Роналду — 41 ёш 4 ой
• Pepe — 39 ёш 9 ой
• Лионель Месси — 38 ёш 11 ой
• Гуннар Грен — 37 ёш 7 ой
• Куаутемок Бланко — 37 ёш 5 ой
• Фелипе Балой — 37 ёш 4 ой
• Марко Арнаутович — 37 ёш 1 ой
• Обдулио Варела — 36 ёш 9 ой
• Мартин Палермо — 36 ёш 7 ой
Изоҳлар 0
…