Аргентина 1/16 финалда Кабо-Верде билан тўқнашади
Амалдаги жаҳон чемпиони Аргентина миллий жамоаси 2026 йилги мундиалнинг 1/16 финал босқичида Кабо-Верде билан тўқнаш келади. Аргентиналиклар «Ж» гуруҳини биринчи ўринда якунлаган бўлса, жаҳон чемпионатида илк бор қатнашаётган Кабо-Верде «Ҳ» гуруҳида иккинчи ўринни эгаллаб тарихий натижа қайд этди. Ушбу жамоалар ўртасидаги баҳс 3 июл куни Маями шаҳрида бўлиб ўтади.
Амалдаги жаҳон чемпиони Аргентина миллий жамоасининг 2026 йилги мундиал 1/16 финал босқичидаги рақиби маълум бўлди.
Аргентиналиклар «J» гуруҳини биринчи ўринда якунлаб, плей-офф йўлланмасини қўлга киритди. Уларнинг навбатдаги рақиби эса жаҳон чемпионатида илк бор иштирок этаётган Кабо-Верде бўлади.
Африка вакиллари «H» гуруҳида учта дуранг қайд этиб, иккинчи поғонани эгаллади. Шу тариқа, Кабо-Верде дебют мундиалидаёқ плей-офф босқичига чиқиб, тарихий натижага эришди.
Аргентина ва Кабо-Верде ўртасидаги 1/16 финал учрашуви 3 июль куни Майами шаҳрида бўлиб ўтади. Амалдаги чемпион баҳс фаворити ҳисобланса-да, Кабо-Верде гуруҳ босқичида мағлубиятсиз ҳаракат қилиб, осон рақиб эмаслигини кўрсатди.
«H» гуруҳини биринчи ўринда якунлаган Испания эса 1/16 финалда «J» гуруҳининг иккинчи поғона соҳиби билан куч синашади.
Ушбу йўлланма учун Австрия ва Жазоир миллий жамоалари кураш олиб бормоқда. Шу сабаб Испаниянинг плей-оффдаги рақиби гуруҳнинг сўнгги учрашувларидан кейин аниқ бўлади.
Изоҳлар 0
…