Сенегал Ироқни йирик ҳисобда енгиб, плей-офф умидини сақлаб қолди
Сенегал миллий жамоаси 2026 йилги жаҳон чемпионати гуруҳ босқичининг 3-турида Ироқ устидан 5:0 ҳисобида йирик ғалаба қозониб, плей-оффга чиқиш имкониятини сақлаб қолди. Ўйиннинг 4-дақиқасидаёқ Диарра ҳисобни очган бўлса, 13-дақиқада ироқлик ҳимоячи Сулака қизил карточка олиб майдонни тарк этди. Иккинчи бўлимда Сарр, дубл қайд этган Пап Гуе ҳамда Ндиае рақиб дарвозасига жавобсиз тўпларни киритишди.
2026 йилги жаҳон чемпионатида гуруҳ босқичининг 3-тур учрашувлари давом этмоқда. «I» гуруҳида Сенегал миллий жамоаси Ироқни 5:0 ҳисобида мағлуб этиб, кейинги босқичга чиқиш имкониятини сақлаб қолди.
Сенегал ўйинни жуда фаол бошлади ва 4-дақиқада Диарра ҳисобни очди. 13-дақиқада Ироқ ҳимоячиси Сулака қизил карточка олиб, жамоасини бир киши кам қолдирди.
Сон жиҳатдан устунликка эга бўлган Сенегал иккинчи бўлимда рақиб дарвозасига яна тўрт бор йўл топди. 56-дақиқада Сарр фарқни оширди. Орадан уч дақиқа ўтиб Пап Гуйе ҳисобни 3:0 кўринишига келтирди.
71-дақиқада Пап Гуйе дубль қайд этди. Учрашувга нуқтани 82-дақиқада Ндиайе қўйди — 5:0.
ЖЧ-2026. «I» гуруҳи, 3-тур
Сенегал — Ироқ — 5:0
Голлар: Диарра, 4; Сарр, 56; П. Гуйе, 59, 71; Ндиайе, 82.
Сенегал: Диав, Диатта, Сек (Сисс, 58), Ниакате, Якобс, И. Гуйе, Диарра (П. Гуйе, 57), Мбайе (Ндиайе, 57), Камара (Жексон, 57), Мане, Сарр (Диао, 81).
Ироқ: Басил (Ҳасан, 46), Путрос, Ҳошим, Сулака, Доски, Ал Аммари, Жассим (Ар Решави, 58), Байиш, Иқбол (Якоб, 67), Қосим (Юнус, 16), Ал Ҳаммади (Юсуф, 58).
Огоҳлантиришлар: Сек, 18; Ал Аммари, 75; П. Гуйе, 81; Доски, 90.
Четлатиш: Сулака, 13.
Ушбу ғалабадан кейин Сенегал 3 очко билан гуруҳда учинчи ўринни эгаллади. Энди жамоа энг яхши учинчи ўрин соҳиблари қаторида плей-оффга чиқиш учун бошқа гуруҳлардаги натижаларни кутади.
Ироқ эса очкосиз қолиб, турнирдаги иштирокини якунлади.
Изоҳлар 0
…