Осиёда ўзбек клубларининг янги даври: 2026/2027 йилги мавсум тафсилотлари

1 дақиқа ўқиш187
Осиёда ўзбек клубларининг янги даври: 2026/2027 йилги мавсум тафсилотлари
ҚисқачаAI ёрдамида тайёрланганКўрсатиш
  • 2026/2027 йилги мавсумда Ўзбекистон илк бор ОФК Элит Чемпионлар лигасининг асосий босқичида бир вақтнинг ўзида «Нефтчи» ва «Пахтакор» клублари билан иштирок этади.
  • «Пахтакор» саралаш босқичида Иорданиянинг «Ал-Ҳусайн» жамоасини 3:0 ҳисобида мағлуб этиб, мусобақадаги 20-иштирокини таъминлади.
  • «Нефтчи»
  • Элит Чемпионлар лигасига тўғридан тўғри йўлланма олган, «Насаф» эса ОФК иккинчи Чемпионлар лигаси гуруҳ босқичида қатнашади.

Ўзбекистон футболи Осиё майдонларида навбатдаги тарихий ва ўта муҳим босқичга қадам қўймоқда. 2026/2027 йилги футбол мавсумида мамлакатимиз илк бор Осиё футбол конфедерациясининг (ОФК) энг нуфузли мусобақаси — ОФК Элит Чемпионлар лигасининг асосий босқичида бир йўла икки жамоа билан иштирок этади.

Бунга қадар Ўзбекистон бир мавсумда ушбу элитар мусобақада ҳеч қачон бир вақтнинг ўзида икки вакилга эга бўлмаган эди.

«Пахтакор»дан йирик ғалаба ва тарихий 20-иштирок

Тошкентнинг «Пахтакор» клуби саралаш босқичида Иорданиянинг «Ал-Ҳусайн» жамоасини қабул қилиб, 3:0 ҳисобида тор-мор этди ва Элит Чемпионлар лигаси йўлланмасини ҳал қилди.

11 август куни бўлиб ўтган баҳсда «шерлар» таркибида Достонбек Ҳамдамов дубль қайд этган бўлса, ироқлик тажрибали яримҳимоячи Башар Расан охирги голни уриб, ўйинга якуний нуқтани қўйди.

Ушбу муваффақият эвазига «Пахтакор» ўз тарихида 20-маротаба Осиёнинг клублар миқёсидаги энг асосий ва нуфузли мусобақасида иштирок этадиган бўлди.

«Нефтчи» — тўғридан-тўғри, «Насаф» — 2-Чемпионлар лигасида

Мамлакатнинг амалдаги чемпиони сифатида Фарғонанинг «Нефтчи» клуби ОФК Элит Чемпионлар лигаси асосий босқичига тўғридан-тўғри йўлланма олган эди. Эндиликда «Пахтакор» фарғоналикларга ҳамроҳлик қилади.

Шунингдек, Осиёнинг мақоми жиҳатидан иккинчи ўринда турувчи мусобақаси — ОФКнинг иккинчи Чемпионлар лигасида Қаршининг «Насаф» жамоаси юртимиз шарафини ҳимоя қилади. Мамлакат чемпионатида бронза медалини қўлга киритган қаршиликлар гуруҳ босқичига тўғридан-тўғри йўл олишган.

2026/2027 йилги мавсумда Осиёда ўйнайдиган клубларимиз:

  • ОФК Элит Чемпионлар лигаси: «Нефтчи» ва «Пахтакор»

  • ОФК иккинчи Чемпионлар лигаси: «Насаф»

Осиёнинг энг кучли клублари курашадиган ушбу турнирларда вакилларимизга омад ва зафарлар тилаб қоламиз!

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?