Хабарингиз бор, 2019 йилнинг 5 январь - 1 февраль кунлари Бирлашган Араб Амирликларида 17-Осиё Кубоги мусобақаси бўлиб ўтади.
Мусобақада Эктор Купер бошчилигидаги Ўзбекистон миллий терма жамоаси ҳам иштирок этади. Юртимиздаги мухлислар мазкур мусобақадан ўрин олган учрашувларни Ўзбекистон миллий телерадиокомпаниясининг "Спорт" телеканали орқали томоша қилишлари мумкин. Айни пайтда мазкур мусобақани тўлиқ ҳажмда мухлислар эътиборига ҳавола қилиш учун катта меҳнат амалга оширилмоқда. Бу ҳақида ЎФА Матбуот хизматига "Спорт" телеканали директори Зоҳид Каримов маълум қилди.
"Спорт" телеканалининг яқин ҳамкори бўлган Франциянинг "Lagardère" компанияси орқали Осиё Кубоги мусобақасини трансляция қилиш ҳуқуқи қўлга киритилди. Айни пайтда мазкур мусобақани тўлиқ равишда мухлислар эътиборига ҳавола қилиш учун катта ҳажмдаги ишлар олиб борилмоқда. Юртимиздаги мухлислар Осиё Кубоги - 2019 мусобақасидан ўрин олган барча 51та учрашувни жонли эфирда томоша қилиш имкониятига эга бўлишади. Гуруҳ босқичининг 3-туридан ўрин олган параллел равишда кечадиган ўйинлар эса Миллий телерадиокомпания таркибига кирувчи "UzHD" ёки "Маҳалла" телеканали орқали намойиш қилинади. "Спорт" телеканали шарҳловчилари мазкур турнирдан ўрин олган учрашувларни бевосита стадиондан туриб шарҳлаб боришлари режалаштирилган. Фақатгина мазкур масаланинг техник ечимини кутяпмиз.
Мухлисларга қулайлик туғдириш мақсадида, жонли эфирда намойиш қилинган учрашувлар эртаси куни соат 08:00дан бошлаб яна такроран намойиш қилинади. Бундан ташқари, ҳар куни "Осиё Кубоги кундалиги" бериб борилади. Ушбу дастурда барча ўйинларда киритилган голлар ва эътиборга молик вазиятлар эфирга узатиб борилади. Шунингдек, "Спорт" телеканали студиясида Осиё Кубоги мусобақасига бағишланган дастурлар ташкил қилиниб, бу дастурларда мутахассислар бўлиб ўтаётган учрашувлар ҳақида ўз фикрлари билан чиқиш қилиб туришади. Хуллас, Ўзбекистондаги мухлисларни Осиё Кубоги мусобақаси муҳитига олиб кириш учун қўлдан келганча ҳаракат қиламиз", - дейди Зоҳид Каримов. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Ўзбекистонда ўтган уч ойда қанча автомобиль ишлаб чиқарилган?
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Академик Қодир Ғуломов Қўшработда бўлди
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Рамзан Қодировнинг 19 ёшли қизи медаль билан тақдирланди
