Ҳўкизлар билан югуриш мусобақаси иштирокчиси Усэйн Болт рекордини ортда қолдирди (видео)

^{Усэйн Болт / Фото: EPA/IAN LANGSDON}
Ҳиндистонда ҳўкизлар билан бирга югуриш мусобақаси иштирокчиси ўзига амалдорлар эътиборини тортди.
Гап шундаки, Сринивас Говда исмли эркак ҳўкизлар билан югуриш мусобақасида 100 метрга югуриш бўйича жаҳон рекордини янгилай олгани маълум қилинган. Говданинг мусобақадаги уриниши видеоси Ҳиндистонда тез оммалашган ва шундан кейин Ҳиндистон ёшлар ишлари ва спорт вазирлиги у билан қизиқиб қолиб, имкониятларини текшириш учун пойтахтга чақиртирган.

#WATCH : Mr. Srinivasa Gowda from Moodabidre, Karnataka ran 100m in 9.55 seconds at a #Kambala (buffalo race). He was faster than @usainbolt who took 9.58 seconds to create a world record.

We Indians are busy with praising others! ?@KirenRijiju @narendramodi @girishalva pic.twitter.com/eIcCS98b33

— Shruthi Thumbri ?? (@Shruthi_Thumbri) February 14, 2020

“Ҳиндистон спорт вазирлигидан расмий шахслар у билан боғланишди. Унга пойтахтгача темир йўл чиптаси олиб берилди ва у вазирликка душанба куни келади. Мен етакчи миллий мураббийлар уни тегишлича текширишларини таъминлайман”, деб айтган вазирлик раҳбари Кирен Рижижу.

Айни вақтда 100 метрга югуриш бўйича рекорд ямайкалик собиқ спринтер Усэйн Болт томонидан 2009 йилда Берлиндаги жаҳон чемпионатида ўрнатилган ва у 9,58 сонияга тенг. Таъкидланишича, ҳиндистонлик мусобақа вақтида 142,5 метрга масофани 13,62 сонияда, жумладан унинг 100 метрини 9,55 сонияда югуриб ўтган.

Ҳўкизлар билан пойга “Камбала” Ҳиндистоннинг Карнатака штатида ўтказиб келинади. Мусобақа иштирокчилари олдиларида иккита ҳўкизни қувган ҳолда сув билан тўлдирилган гуруч даласидан 132 ёки 142 метрлик масофани югуриб ўтиш бўйича беллашишади. 2014 йилда ушбу пойгалар Ҳиндистон суди томонидан тақиқланган, бироқ 4 йил ўтиб беллашувнинг баъзи қоидалари ўзгартирилгач, уни яна ўтказишга рухсат берилган. “Замин” янгиликларини “Facebook”да кузатиб боринг