13:10 / 08.07.2020
1 927

Ўзбек легионери энг зўрлар қаторига қўшилди

Ўзбек легионери энг зўрлар қаторига қўшилди
Россиялик футбол экспертлари Премьер-лиганинг энг зўр дриблинг усталарини аниқланди.
Маълумотларга қараганда, “Ахмат” клуби ўйинчиси Бернард Бериша бир учрашув давомида ўртача 5,5 марта дриблинг ишлатади ва шундан 3 таси муваффақиятли чиқади. Шунингдек, энг кўп дриблинг намойиш этадиган футболчилар қаторидан Вандерсон (“Краснодар”), Никола Влашич (ЦСКА), Зелимхон Бакаев (“Спартак”) ва Даниил Лесовой (“Арсенал”) ҳам ўрин олган.

Россиялик мутахассислар энди бу футболчилар қаторига "Уфа"нинг ўзбек легионери Остон Ўрунов ҳам қўшилганини маълум қилди. Остон бир ўйинда ўртача 3,4 марта дриблинг ишлатади ва шундан 2,3 таси муваффақиятли чиқади.

Шу ўринда, Ўрунов чемпионатнинг янги ўйинчиси бўлгани учун унинг еттита учрашувдаги дриблинглари ҳисобга олинган. Қолган футболчилар Остонга қараганда бир неча маротаба кўп учрашув ўтказган.


Манба: Sports.uz
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)