13:53 / 09.07.2020
1 967

Элдор Шомуродов тўп тепадиган «Ростов» Япония терма жамоаси аъзосини ўз сафига қўшиб олди

Элдор Шомуродов тўп тепадиган «Ростов» Япония терма жамоаси аъзосини ўз сафига қўшиб олди
Фото: «Токио» ФК
«Ростов» Япониянинг «Токио» клуби билан ярим ҳимоячи Кенто Хасимото трансфери борасида келишганини эълон қилди. Бу ҳақида клуб матбуот хизматида хабар берилди.

Таъкидланишича, тиббий кўрикдан сўнг «Ростов» 26 ёшли футболчи билан 4 йиллик шартнома имзолайди.
Унинг майдондаги асосий позицияси таянч ярим ҳимояси ҳисобланади. Шунингдек, у марказий ярим ҳимоячи ва марказий ҳимоячи сифатида ҳам ўйнаши мумкин.

Transfermarkt портали Хасимотони 1,2 миллион еврога баҳолаган. Аммо томонлар ҳозирча трансфернинг расмий нархини маълум қилганича йўқ.

Маълумот учун, Хасимото «Токио» сафида умумий ҳисобда 165 та ўйин ўтказиб, 17 та гол урган ва 6 та голли узатмани амалга оширган. Япония терма жамоасида эса 7 та ўйин ўтказган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Элдор Шомуродов тўп тепадиган «Ростов» Япония терма жамоаси аъзосини ўз сафига қўшиб олди