"Лацио"га гол киритган Шомуродов неча баллга лойиқ кўрилди?

"Женоа" А Серия 34-туридан ўрин олган учрашувни "Лацио" жамоасига қарши ўтказди. "Олимпико" стадионида ўтган ўйинда римликлар 4:3 ҳисобида ғалаба қозонди.

Меҳмонлар сафида ҳамюртимиз Элдор Шомуродов учрашувни асосий таркибда бошлади ва 81-дақиқада рақиб дарвозасини ишғол қилди. Статистика билан шуғулланувчи "WhoScored.com" нашри эса ҳамюртимизнинг мазкур беллашувдаги ҳаракатларини 7,5 балл билан баҳолади.