ОФК Кубоги 1/8 финал баҳслари санаси ва мезбонлари маълум бўлди. Қаршининг «Насаф» клуби 1/8 финал ўйинини 25 август куни Туркманистоннинг «Аҳал» клубига қарши ўтказади. Туркман жамоаси ўйинни ўз майдонида қабул қила олмаслигини билдиргач, мезбонни аниқлаш учун қуръа ташлашга ҳожат қолмади ва ОФК ўйин Қаршида ўтишини маълум қилди.
1/8 финалдаги ғалаба Рўзиқул Бердиев жамоасини Марказий Осиё минтақаси ғолиби сифатида тўғридан тўғри яримфиналга олиб чиқади. Чунки жануб (Мальдив, Ҳиндистон, Бангладеш) ва АSEAN (Вьетнам, Таиланд, Камбожа, Филиппин) жамоалари ўртасидаги гуруҳ босқичи ўйинлари мезбон ҳудуд топилмагани ҳамда коронавируснинг авж олиши туфайли ўтказилмади.
ОФК мусобақаларни ўтказиш қўмитаси турнирни қаторасига иккинчи йил қолдиришни хоҳламади ва ўйинларни Жануб/ASEAN минтақаси клубларисиз давом эттиришга қарор қилди. Натижада энди чоракфинал бўлмайди ва «Насаф»да Қаршидаги ғалаба орқали яримфиналга йўл олиш имконияти пайдо бўлди.
«Насаф» «Аҳал»ни мағлуб этиб яримфиналга чиқса, 20 октябр куни Ҳонконгнинг «Ли Ман Уорриорс» клуби билан билан тўқнаш келади. Ғолиб бир ўйинда аниқланади ва мезбон қуръа ташлаш орқали маълум бўлади.
Қаршиликлар финалга чиққан тақдирда сафарда ҳаракат қилишади. 5 ноябр куни бўлиб ўтадиган ҳал қилувчи ўйин биринчи «сетка»да ғолиб бўлган араб жамоаси («Муҳаррақ», «Ал Аҳад», «Кувайт», «Ас Салт»дан бири) майдонида ўтказилади.
Маълумот учун, «Насаф» 2011 йил ОФК кубогида чемпион бўлган. Бу ўзбек клубларининг халқаро майдондаги ягона расмий чемпионлиги ҳисобланади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади