Илон Маск 6 ойдан кейин одамлар миясига чип ўрнатиш бошланишини маълум қилди

^{Фото: Gagadget}
Миллиардер Илон Маск олти ойдан кейин унинг Neuralink компанияси мияга ўрнатиладиган чипларни одамларда клиник синовдан ўтказишини айтди. Бу ҳақда Reuters хабар берди.

Сўнгги йилларда Neuralink мазкур интерфейсни ҳайвонларда тажриба ўтказган. Компания уни одамларни синаб кўриш учун АҚШ регуляторига ариза топширган. Neuralink одамни компьютерга улашнинг юқори технологиясини таклиф этади. Жумладан, операцияни бажариш учун бош суягини очиб, мия тўқималарига мини-электродларни (чипни) бирлаштириш зарур.

^{Фото: Neuralink}
Компания чипнинг яроқлилик муддатини узайтириш устида ишламоқда. Бундан ташқари, Neuralink аллақачон кўриш қобилиятини тиклайдиган кўз имплантлари ва орқа мияси шикастланган беморларнинг ҳаракатчанлигини тиклай оладиган ечимлар устида ишламоқда.

Бироқ чипнинг тақдимотида маймун ўрнатилган чип орқали компьютерда матн тера олгани намойиш қилинган. Қурилма нейрон импулсларини компьютер ўқий оладиган маълумотларга айлантирган.

^{Кадр: Reuters}
Маск бу технология одамлар ва технологик машиналар ўртасида маълумот узатиш имконини беришига умид қилмоқда Neuralink имплантаси жуда ихчам, танга шаклидаги 23×8 миллиметрдан иборат. Ундан олинган маълумотлар мегабит тезликда ва 10 метргача бўлган диапазонда узатилади. Чип батареяси сутка давомида ишлайди. У тунги вақтда магнит зарядлаш мосламаси ёрдамида қувватланади. Нейрочипни имплантация қилиш бўйича операция роботлаштирилган бўлади. “Замин” янгиликларини “Одноклассники”да кузатиб боринг