Рогбид аккумулятори 100 кунгача етадиган SpinX соатларини тақдим этди
«Рогбид» бренди кутиш режимида 100 кунгача, фаол ҳолатда эса 40 кун ишлайдиган янги «SpinX» ақлли соатини тақдим этди. Қурилма юқори сифатли AMOLED-дисплей, бошқарув учун махсус айлантириш ғилдираги ва уч хил режимли ўрнатилган фонарча билан жиҳозланган. Соат саломатлик кўрсаткичларини кузатишдан ташқари, 100 дан ортиқ спорт режимларига эга ва АҚШнинг MIL-STD-810H ҳарбий стандарти бўйича чидамлиликка эга. Ҳозирда Блуетоотҳ орқали қўнғироқларни амалга ошириш имконини берувчи ушбу гаджетнинг нархи 50 доллар этиб белгиланган.
"Рогбид" бренди ўзининг янги "SpinX" ақлли соатини намойиш этди. Қурилманинг асосий ўзига хослиги интерфейс ва иловаларни бошқаришни осонлаштирадиган махсус айлантириш ғилдирагидир. Бу ҳақда Ixbt.com xabar беради.
Шунингдек, соат 1100 mAs сиғимли кучли аккумулятор билан жиҳозланган бўлиб, у фаол режимда 40 кун, кутиш режимида эса 100 кунгача ишлаш имконини беради.
Янги модель 466х466 пикселли 1,43 дюймли AMOLED-дисплейга эга бўлиб, Adobe RGB ранг майдонини 99,5 фоизга қамраб олади. Қурилмага уч хил режимда ишлайдиган ўрнатилган фонарча ҳам жойлаштирилган.
"Рогбид SpinX" Bluetooth 5.4 технологиясини қўллаб-қувватлайди, бу орқали қўнғироқларни амалга ошириш ва мусиқа бошқариш мумкин. Махсус датчиклар сутка давомида пулс ва қондаги кислород миқдорини ўлчаб боради, шунингдек, уйқу мониторингини амалга оширади.
Спортчилар учун 100 дан ортиқ машғулот режимлари, компас ва 3АТМ сувдан ҳимоя тизими кўзда тутилган. Қурилма АҚШнинг MIL-STD-810Ҳ ҳарбий стандарти талабларига жавоб беради.
Ҳозирда ушбу ақлли соатнинг нархи 50 доллар этиб белгиланган.
Изоҳлар 0
…