Ой орбитасида қурилиши режалаштирилган Гатеwай станцияси ва Ахиом Спаcе тижорий станциясининг асосий модулларида жиддий техник муаммолар юзага келди. Нортҳроп Грумман томонидан ишлаб чиқилаётган HALO ва Европа космик агентлигининг И-Ҳаб модулларида коррозия белгилари топилган. Бу ҳақда Ixbt.com хабар беради.
NASA вакили Жаред Айзекман АҚШ Конгрессидаги эшитувлар чоғида ушбу нуқсонлар лойиҳанинг амалга оширилиш муддатларини кечиктириши ва харажатларни сезиларли даражада ошириши мумкинлигини маълум қилди. Ҳозирда Нортҳроп Грумман компанияси NASA билан келишилган ҳолда таъмирлаш ишларини олиб бормоқда.
Муаммолар Тҳалес Алениа Спаcе компанияси томонидан етказиб берилган герметик бўлмаларда кузатилган. Европа космик агентлиги мутахассислари коррозия сабабларини ўрганиш учун махсус гуруҳ тузган бўлиб, дастлабки хулосаларга кўра, нуқсонлар ишлаб чиқариш жараёни ва материаллар хусусияти билан боғлиқ.
Шунга қарамай, мутахассислар ушбу носозликларни бартараф этиш мумкинлигини ва улар миссия учун критик хавф туғдирмаслигини таъкидламоқда. Ахиом Спаcе станциясининг биринчи модулини учириш режаси ўзгаришсиз қолиб, 2028 йилга мўлжалланган.
“Zamin”ни Telegram'да ўқинг!
