Apple Маc mini ва Маc Студио компютерлари танқислигини эълон қилди
"Apple" компанияси "Маc Студио" ва "Маc mini" компютерлари танқислигини эълон қилди. Бош директор Тим Кук ушбу қурилмаларга бўлган талабнинг кескин ошганини ва таклиф билан мувозанатни тиклаш учун бир неча ой кераклигини таъкидлади. Сунъий интеллект воситалари учун платформаларнинг афзалликлари кутилганидан тезроқ англаб етилгани сабабли, етказиб беришда кечикишлар кўпайган. "Apple" айрим моделларнинг сотувини тўхтатган ва захирада мавжуд бўлмаган маҳсулотларни онлайн дўкондан олиб ташлаган.
"Apple" компанияси "Маc Студио" ва "Маc mini" компютерлари бир неча ой давомида тақчилликда бўлишини маълум қилди. Бу ҳақда Ixbt.com хабар беради.
Компания бош директори Тим Кук ушбу қурилмаларга талаб ва таклиф мувозанатини тиклаш учун бир неча ой керак бўлишини таъкидлади.
Кукнинг сўзларига кўра, харидорлар сунъий интеллект воситалари учун ушбу платформаларнинг афзалликларини кутилганидан тезроқ англаб етган. Шу сабабли компютерларга талаб кескин ошиб кетган.
Сўнгги ойларда "Маc mini" ва "Маc Студио" етказиб беришда кечикишлар кўпайди. Айрим моделларни кутиш вақти бир неча ойгача чўзилмоқда.
"Apple" 512 GB тезкор хотирага эга "Маc Студио" сотувини тўлиқ тўхтатди. Шунингдек, катта ҳажмдаги хотирага эга баъзи моделлар учун буюртмалар қабул қилинмаяпти.
Ўтган ҳафтада "Apple" онлайн дўконида "Маc mini"нинг таянч модели захирада йўқлиги сабабли сотувдан олинди.
Изоҳлар 0
…