Asus янги ROG NUC ихчам компютерини эълон қилди

22:00 / 01.05.2026·139·Техно

Қисқача

"Asus" компанияси янги ROG NUC ихчам компютерини эълон қилди. Ушбу қурилма ташқи кўринишида жорий моделга ўхшаб, фақат аппарат қисмлари янгиланади. Янги ROG NUC Cоре Ultra 200ҲХ Plus процессорлари билан жиҳозланиши кутилмоқда ва GeForce RTX 5080 Laptop видео картаси сақланиб қолиши тахмин қилинмоқда. Компютернинг расмий премераси июн ойида Cомпутех 2026 кўргазмаси доирасида бўлиб ўтиши режалаштирилган.

"Asus" компанияси ихчам ўйин компютерлари тармоғи бўлган ROG NUC линиясини янгилашга тайёргарлик кўрмоқда. Бу ҳақда Ixbt.com хабар беради.

Хитойда эълон қилинган май ойидаги ютуқли ўйин тизерида янги ROG NUC қурилмаси совринлар қаторида кўрсатилган.

Тақдим этилган суратга кўра, янги қурилма ташқи кўринишидан жорий моделга жуда ўхшайди. Бу компания корпус ва совутиш тизими концепциясини ўзгартирмасдан, фақат аппарат қисмини янгилашини англатади.

Расмий хусусиятлар ҳозирча маълум қилинмаган. Бироқ, mini-компьютер Арроw Лаке Рефреш оиласига мансуб Cоре Ultra 200ҲХ Plus процессорлари билан жиҳозланиши кутилмоқда.

Қурилма 24 ядроли Cоре Ultra 9 290ҲХ Plus ёки 20 ядроли Cоре Ultra 7 270ҲХ Plus протсессорларига эга бўлиши мумкин. Графика қисмида эса GeForce RTX 5080 Laptop видео картаси сақланиб қолиши тахмин қилинмоқда.

Янги "Asus" ROG NUC компютерининг расмий премераси июн ойи бошида Cомпутех 2026 кўргазмаси доирасида бўлиб ўтиши режалаштирилган.