Ойнинг Жанубий қутб — Эйткен ҳавзаси қандай пайдо бўлгани аниқланди
Пардю университети олими Шигеру Вакита бошчилигидаги тадқиқотчилар гуруҳи уч ўлчамли моделлаштириш ёрдамида Ойнинг Жанубий қутб — Эйткен ҳавзаси қандай пайдо бўлганини аниқладилар. Диаметри 2500 километрдан ортиқ бўлган ушбу улкан ҳудуд диаметри 260 километр бўлган астероид зарбаси натижасидан ҳосил бўлган. Тош ва темир аралашмасидан иборат ушбу астероид Ой юзасига 30 даража бурчак остида ва сониясига 13 километр тезликда урилган.
Астрономлар Ойнинг энг йирик ва сирли кратери ҳисобланган Жанубий қутб — Эйткен (Соутҳ Поле–Аиткен) ҳавзасининг келиб чиқиш сирларини очишга яқинлашдилар. Диаметри 2500 километрдан ортиқ бўлган ушбу улкан ҳудуд Қуёш тизимидаги энг қадимий космик тўқнашув изларидан бири ҳисобланади. Бу ҳақда Ixbt.com хабар беради.
Пардю университети олими Шигеру Вакита бошчилигидаги тадқиқотчилар гуруҳи уч ўлчамли моделлаштириш ёрдамида ушбу кратер диаметри 260 километр бўлган астероид зарбаси натижасида ҳосил бўлганини аниқладилар. Ҳисоб-китобларга кўра, тош ва темир аралашмасидан иборат бўлган астероид Ой юзасига 30 даража бурчак остида ва сониясига 13 километр тезликда урилган.
Ушбу кучли зарба Ой қобиғи остида яширинган мантия қатламларини сиртга чиқариб ташлаган бўлиши мумкин. Бу моддалар Ойнинг ички тузилишини тушуниш ва унинг қадимий тарихини аниқлашда муҳим аҳамият касб этади.
NASAнинг Артемис дастури ушбу ҳудудни ўрганишда ҳал қилувчи рол ўйнаши кутилмоқда. Агар режалаштирилган миссиялар муваффақиятли амалга ошса, 2028-йилга бориб астронавтлар Ойнинг жанубий қутбидан ноёб жинс намуналарини Ерга олиб келишлари мумкин.
Изоҳлар 0
…